Sie sind hier: Startseite / Lieblingstouren / Christine Lauterburg / Altenbergsteg

Altenbergsteg

Bärn isch eso - schön u viugstaltig! Auso de stäche mir doch abe ad Aare zum Altebärgstäg! Dört chame ir Mitti chli blibe stah u gumpe u de waggelet dr ganz Stäg luschtig hin u här. U de chame o gäbig lang uf di schöni Aare luege u viu nachedänke. Wo si här chunnt u wo si häre fliesst. S isch ou schön bi Nacht. Schön stiu u nume z Rusche lose u i däm Rusche ghört me ganzi Synfonie, we me wott.

Christine Lauterburg
Musikerin und Schauspielerin